सप्तरीमा सुशीला कार्की नेतृत्व सरकार विरुद्ध नेकपा एमालेद्वारा बृहत प्रदर्शन

गामघर डेस्क

राजविराज ।
नेपाल कम्युनिष्ट पार्टी (एमाले)द्वारा सप्तरीको राजविराजमा शनिवार शुशिला कार्की नेतृत्वको सरकार विरुद्ध विरोध प्रदर्शन गरेको छ । केन्द्रीय समितिको आवहानमा एमालेले सप्तरीसहित देश व्यापी विरोध प्रदर्शन गरेको हो ।
एमाले जिल्ला कार्यालय मदन नगरबाट सयौ मोटरसाइलमा १ हजारभन्दा माथिको जनसहभागितामा निकालिएको र्याली राजदेवी– तेतरीगाछी हुँदै नगरको विभिन्न भाग परिक्रमा गरी सहिद दशन चौकमा पुगेर कोणसभामा परिणत भएको थियो ।
कोण सभामा जिल्ला अध्यक्ष ताराकान्त चौधारीको अध्यक्षतामा पोलिटब्यूरो सदस्य सुमनराज प्याकुरेलले बर्तमान सरकारले चुनाव गर्न नसकेन्ने ठोकुवा गर्नु भयो । उहाँले चुनावको नौटन्की नगरी संसद पुनस्र्थापना गरी देशलाई निकास दिनुपर्नेमा जोड दिनु भयो । उहाँले कार्की नेतृत्वको सरकार असंवैधानिक र अलोकतान्त्रिक भएको बताउनुहुदै प्रतिगामी असंवैधानिक सरकार विरुद्व प्रतिकारमा उत्रन नेता,कार्यकर्तालाई आहवान गर्नु भयो ।
केन्द्रीय सदस्य एबम् मधेश प्रदेशका निवर्तमान गृह सञ्चार तथा कानूनमन्त्री राज कुमार लेखीले बर्तमान कार्की नेतृत्वको सरकारले देशलाई निकास दिन नसक्ने ठोकुवा गर्नु भयो । सरकारबाटै संघीय लोकतन्त्रिक गणतन्त्र खतरामा रहेकोले देशलाई विदेशी दलालको हातबाट बचाउन एमाले कार्यकर्तालाई सक्रिय हुन आग्रह गर्नु भयो ।उहाँले वर्तमान सरकारले एमालेसंग प्रतिशोध लिन खोजेको भन्नुहुदै आक्रोश समेत पोख्नु भयो । लेखीले एमालेको सहमति विना चुनावको सपना नदेख्न सरकारलाई सुझाव दिनुहुदै एमालेलाई पाखा लगाएर अगाडि बढे सशक्त आन्दोलन गर्ने चेतावनी समेत दिनु भयो । यता एमालेको केन्द्रीय कार्यक्रम अनुसार सप्तरीमा प्रदर्शन गरिएको थियो ।

प्रकाशित मिति: २०२५-११-१५ , समय : २०:१४:५८ , 2 weeks अगाडि