मधेस प्रदेश : भारतबाट आउँदै गरेका दुईजना कटुवा पेस्तोलसहित पक्राउ

गामघर डेस्क

जनकपुरधाम । मधेस प्रदेशको सर्लाही प्रहरीले भारतबाट नेपालतर्फ आउँदै गरेका दुई जनालाई कटुवा पेस्तोलसहित पक्राउ गरेको छ ।रामनगर गाउँपालिका–७ सिसौट टोलका करिब २५ वर्षीय किशन महरालाई विशेष सूचनाका आधारमा पक्राउ गरी सोधपुछका क्रममा उनको बयानका आधारमा अर्का १८ वर्षीय श्याम महरालाई पनि नियन्त्रणमा लिएको हो ।
प्रहरीका अनुसार बागमती नदीको किनारबाट एउटा कटुवा पेस्तोल बरामद गरिएको छ । भदौ ११ गते दिउँसो करिब ३ बजे भारतको सोनवर्षा तर्फबाट सर्लाहीको मलंगवा तर्फ बीआर ०६ डीएम ९५२३ नम्बरको मोटरसाइकलमा आउँदै गरेका किशन महरालाई प्रहरीले पक्राउ गरेको थियो ।
सोधपुछमा किशनले आफूले बोक्ने गरेको हतियार बागमती नगरपालिका–४ जिरायत टोल बस्ने विनोद महराका छोरा १८ वर्षीय श्याम महरालाई राख्न दिएको बताए । श्यामको बयान अनुसार हतियार बागमती नगरपालिका–१२ स्थित बागमती नदीको बगरमा राखिएको भेटियो।
प्रहरीले तोकिएको स्थानबाट कटुवा पेस्तोल बरामद गरेको जनाएको छ । यता पक्राउ परेका दुवै जनालाई सर्लाही जिल्ला अदालतले बिहीबार १० दिनको म्याद थप गर्दै हातहतियार तथा खरखजना मुद्दामा थप अनुसन्धान भइरहेको छ।

प्रकाशित मिति: २०२५-०८-२९ , समय : ०८:१३:२० , 9 hours अगाडि