सप्तरीमा जारी सातौं पचशिल्ड फुटबल प्रतियोगिताको उपाधि युनिटी एफसीलाई

गामघर डेस्क

राजविराज ।
सप्तरीको अग्नीसाइर कृष्णासवरन गाउँपालिका वडा न.१ स्थित जन्डोलमा संचालित सातौं पचशिल्ड फुटबल प्रतियोगिताको उपाधि ‘युनिटी एफसी विरेन्द्र बजार’ले हात पारेको छ । उच्च मावि जन्डोलको खेलमैदानमा आइतबार सम्पन्न फाइनल खेलमा गैडसिह बाबा एफसी जगमोहनलाई ०–५ गोलान्तरले पराजित गर्दै युनिटी एफसी विरेन्द्र बजारले उपाधिमाथि कब्जा जमाएको हो ।
निर्धारित ७० औं मिनेटको खेलमा पहिलो हापको १५ औं मिनेटमा युनिटी एफसी विरेन्द्र बजारका जर्सी नम्बर १४ का फुर्व तामाङले १ गोल गरी टिम अग्रता दिएका थिए । खेलको २८ औं मिनेटमा पुनः फुर्वले गोल थप्दै २ गोलले टिमलाई अग्रस्थानमा कायम राखेका थिए ।यसैगरी दोस्रो हापको १२ औं मिनेटमा युनिटी एफसी विरेन्द्र बजारका जर्सी नम्बर १४ का फुर्वा तामाङले १ गोल गरे भने १७ औं मिनेट फुर्वले गोल गर्दै टिमलाई ०–४ गोलको अग्रता कायमै राखेका थिए । खेलको २९ औं मिनेटमा विरेन्द्र बजारका रुविन तामाङले १ गोल थपेपछी विरेन्द्र बजार ०–५ गोलले जीत हाँसिल गरेका थिए ।
जितसंगै विरेन्द्र बजारले नगद २० हजार सहित नगद,शिल्ड मेडल प्राप्त गरेका छन भने उपविजेता गैड सिँह बाबा फुटबल क्लव जगमोहनले नगद ११ हजारसहित ट्रफी, मेडल प्राप्त गरेका थिए ।
स्थानीय समाजसेवी रामनारायण चौधरीको अध्यक्षता आयोजित कार्यक्रममा प्रमुख अतिथि एनसी नारायण चौधरी, विशिष्ट अतिथि चन्दन कुमार मेहताले पुरस्कार प्रदान गरेका थिए ।
प्रतियोगितामा विजेता टिमका बेस्ट डिफेन्स प्रजोल तामाङ,बेस्ट गोलकिपर प्रदिप मगर, हाइ स्कोरर फुर्व तामाङ र उपविजेता टिमका करण सरदार बेष्ट प्लेयर घोषित घोषित भएका थिए । उनीहरुलाई पत्रकार बृजमान तामाङ,उमाकान्त चौधरी, सुरेश चौधरी राजराम राय लगायतकाले पुरस्कार वितरण गरेका थिए ।

प्रकाशित मिति: २०२५-११-०२ , समय : २१:२३:२० , 4 weeks अगाडि