हावाहुरीका कारण सप्तरी सहित मधेस प्रदेशका जिल्लाहरुमा लाखौंको क्षति : आज पनि हावाहुरी र चट्याङसहित वर्षाको सम्भावना
मिति: २०२४-०४-१२ , समय : ०८:०८:२२ , गामघर डेस्क
मिति: २०२४-०४-१२ , समय : ०८:०८:२२ , गामघर डेस्क
गामघर डेस्क
राजविराज । हावाहुरीका कारण सप्तरी सहित मधेस प्रदेशका जिल्लाहरुमा लाखौंको क्षति गरेको छ । हिजाे बेलुका अचानक आएकाे हावाहुरीले गर्दा तराई मधेशका हजारौंको घर उडाएका छन भन्ने सयौं किसानहरुकाे गहु नष्ट गरेको हाे । हावाहुरीले सप्तरीको छिन्नमस्ता गाउपालिका वडा न.१ बरहि बिरपुरका सन्जिब कुमार यादवकाे मात्रै झन्डै १ बिगहा गहुँ नष्ट गरेको पिडितले बताएका छन ।त्यस्तै यादवकाे घरकाे छाना उडाएर लाखौंको क्षति पुर्याएका छन । उनी जस्तै तराई मधेसका विभिन्न ग्रामीण भेगमा हजारौंको घर उडाउनुका साथै गहुँ खेति समेत नष्ट गरेको स्थानीयहरुले बताएका छन ।
यता काठमाण्डौ उपत्यकासहित बाग्मती, गण्डकी र कोशी प्रदेशका धेरै ठाउँमा हिजो हावाहुरी र चट्याङसहित वर्षा भएको छ । गएको चौबीस घण्टामा सबैभन्दा धेरै धनकुटामा ३९ मिलिमिटर वर्षा भएको छ ।
बाग्मती, कोशी र गण्डकीका अरु ठाउँमा पनि मध्यम वर्षा भएको मौसम पूर्वानुमान महाशाखाले जनाएको छ । महाशाखाका अनुसार आज पनि कोशी, बाग्मती र गण्डकी प्रदेशका केही ठाउँमा दिउँसोपख हावाहुरी र चट्याङसहित पानी पर्ने सम्भावना छ । बाँकी प्रदेशका केही ठाउँमा पनि फाट्टफुट्ट पानी पर्न सक्ने महाशाखाले जनाएको छ ।
अहिले प्रिमनसुनको समय भएकाले दिउँसोपख बदली भएर हावाहुरी र चट्याङसहित पानी पर्ने सम्भावना केही दिनसम्म रहीरहने मौसमविद गोविन्द झाले जानकारी दिनुभयो । यसैबीच हिजोको वर्षाले काठमाण्डौ उपत्यकाको प्रदूषण घटाएको छ । वायुमण्डलमा थुप्रिएको हावाका कणहरुलाई पानीले तल झारेपछि प्रदूषण केही कम हुन थालेको हो । केही दिनयता पानी नपर्दा र हावा नचल्दा काठमाण्डौ विश्वमै सबैभन्दा प्रदूषित बनेको थियो ।
आज बिहान ६ बजे काठमाण्डौ उपत्यकाको वायुको गुणस्तर मापन इन्डेक्स (एक्यूआई) १५७ मा झरेको छ । हिजो दिउँसोसम्म एक्यूआई दुई सयभन्दा माथि थियो । एक्यूआई दुई सयभन्दा माथि पुग्नुलाई अत्यन्तै अस्वस्थकर मानिन्छ ।
प्रकाशित मिति: २०२४-०४-१२ , समय : ०८:०८:२२ , 1 year अगाडि