मधेस प्रदेश : पेस्तोल र गोलीसहित दुई जना भारतीय पक्राउ

गामघर डेस्क

सिरहा । मधेस प्रदेशको सिरहाबाट पेस्तोलसहित दुई भारतीय नागरिक पक्राउ परेका छन् । पक्राउ पर्नेमा मोटरसाइकल चालक भारत मधुवनीका १९ वर्षीय राजीव सिंह र सोही मोटरसाइकलको पछाडी सवार १९ वर्षीय प्रिन्स सिंह रहेका छन् ।
प्रहरीले सोमबार बरियारपट्टी गाउँपालिका–१ मा गरेको चेकको क्रममा बिना नम्बर प्लेटको मोटरसाइकलमा भारततर्फ जाँदै गरेको अवस्थामा उनीहरूलाई पक्राउ गरेको हो । यता प्रिन्सको साथबाट सानो कटुवा पेस्तोल कम्मरमा भिरेको अवस्थामा एक थान र सो को गोली एक थान बरामद गरिएको जिल्ला प्रहरी कार्यालय सिरहाले जनाएको छ । उनीहरूलाई नियन्त्रणमा लिएर जिल्ला अदालत सिरहाबाट आज पाँच दिनको म्याद थप गरी प्रहरीले अनुसन्धान थालेको छ ।

प्रकाशित मिति: २०२५-०४-२३ , समय : १०:२६:२८ , 2 days अगाडि