मधेश प्रदेशमा एक महिनामा सवारी दुर्घटनामा ६४ जनाको मृत्यु
मिति: २०२३-०३-२० , समय : १७:५३:२० , गामघर डेस्क
फाइल फाेटाे
गामघर डेस्क
जनकपुरधाम ।
मधेस प्रदेशमा सवारी दुर्घटनामा परेर फागुन महिनामा ६४ जनाको मृत्यु भएको छ ।
प्रदेशको विभिन्न जिल्लामा ६१९ वटा सवारी दुर्घटना हुँदा ५ बालबालिकासहित ६४ जनाको मृत्यु भएको मधेश प्रदेश प्रहरी कार्यालय जनकपुरले जनाएको छ ।
त्यस्तै दुर्घनामा परेर ४८ जना पुरुष, ११ जना महिला र ५ जना बालबालिकाको मृत्यु भएको प्रदेश प्रहरी कार्यालय जनकपुरले जनाएको छ ।
यस्तै, सो दुर्घटनाहरुमा परेर ९४४ जना घाइते भएका छन् । जसमा ६६२ जना पुरुष, १५४ जना महिला र १२८ जना बालबालिका रहेका छन् ।
यस अवधिमा प्रहरीले ३० हजार ७९८ वटा सवारीलाई कारवाही गर्दा २ करोड ४८ लाख ९९ हजार ५ सय रुपैयाँ राजश्व संकलन गरेको छ ।
प्रकाशित मिति: २०२३-०३-२० , समय : १७:५३:२० , 2 years अगाडि
