झन्डै १२ किलो अबैध चाँदीसहित मधेस प्रदेशको कलैयाका सिंह पक्राउ

गामघर डेस्क

काठमाडौं ।
काठमाडौंमा झण्डै १२ किलो अबैध चाँदीसहित एक जना पक्राउ परेका छन्।
चन्द्रागिरि नगरपालिका-२ स्थित नागढुंगा चेकप्वाईन्टबाट १२ किलो १७६ ग्राम चाँदीसहित सोमबार राति एक जना पक्राउ परेका हुन्।प्रहरी प्रभाग नागढुंगाबाट खटिएको टोलीले मधेस प्रदेशको पर्सा वीरगन्जबाट काठमाडौं आउँदै गरेको बा.प्र ०१-००३ ख ३७०१ नंको बसका सहचालक ३२ वर्षीय अनिशकुमार सिंहलाई पक्राउ गरेको हो। उनी मधेस प्रदेशको बारा कलैया उपमहानगरपालिका-४ का स्थानीय हुन्।

उनले बसमा लुकाएर सिक्री, चन्द्रमा, पाउजुलगायतका सामान ल्याएको जिल्ला प्रहरी परिसर काठमाडौंका एसपी अपिलराज बोहराले जानकारी दिए। उनीबाट बरामद भएको चाँदीका बिल फेला परेको थिएन।उनीमाथि प्रहरीले थप अनुसन्धान गरिरहेको छ।

प्रकाशित मिति: २०२५-०५-२७ , समय : १३:१९:५४ , 3 weeks अगाडि