सप्तरीको राजबिराज नगरपालिकाका भूमिहीन तथा बसोवासीलाई जग्गाको निस्सा वितरण

गामघर डेस्क

राजविराज ।
सप्तरीको राजबिराज नगरपालिकाका भूमिहीन सुकुम्बासी तथा अव्यवस्थित बसोवासीलाई जग्गाको निस्सा वितरण सुरु गरिएको छ ।
लामो समयदेखि सार्वजनिक जमिनमा बसोबास गर्दै आएका सुकुम्बासीलाई राष्ट्रिय भूमि आयोग जिल्ला समिति, सप्तरीले शुक्रवार निस्सा वितरण थालेको हो । राजबिराज नगरपालिकामा निवेदन पेस गरिसकेका सुकुम्बासीहरूको पहिचान गरी पहिलो चरणमा निस्सा वितरण गरिएको आयोगले जनाएको छ ।
भूमि आयोग सप्तरीका अध्यक्ष अखिलेश झाले चाँडै जग्गाधनी प्रमाण–पुर्जा वितरण गर्ने बताउनु भयो । उहाँका अनुसार केन्द्रबाट नापजाँच टोली आएर जग्गा छुट्याएपछि जग्गाधनी प्रमाण–पुर्जा वितरण जानकारी दिनु भयो ।
राजबिराज नगरपालिकाका कार्यवाहक नगरप्रमुख ईसरत परविनले औपचारिक समारोहमार्फत उद्घाटन गरिएको हो । उहाँले केही भूमिहीन सुकुम्बासीलाई निस्सा हस्तान्तरण गरिएको र बाँकी निस्सा सम्बन्धित वडाबाट वितरण गरिने जानकारी दिईन ।
राजबिराज नगरपालिकाबाट अव्यवस्थित बसोबासीका ५४५ भूमिहीन दलितका ६३६ र भूमिहीन सुकुम्बासीका ५०८ निवेदन जिल्ला समितिमा दर्ता भएको बताइएको छ ।
कार्यक्रममा कार्यवाहक नगरप्रमुख परविन, भूमि आयोग समितिका अध्यक्ष अखिलेश झा, नगरपालिकाका प्रमुख प्रशासकीय अधिकृत हरिकिसोर चन्द्रबंशी, वडा नं. ८ का वडाध्यक्ष तथा प्रवक्ता जय नारायण मण्डल, वडा नं. १२ का वडाध्यक्ष रामचन्द्र यादव, वडा नं. ४ का वडाध्यक्ष दिनेश कसेरा, वडा नं. ३ का वडाध्यक्ष अनिल दास, वडा नं. १४ का वडाध्यक्ष जगदिश मण्डल, लगायतको उपस्थिति रहेको थियो ।

प्रकाशित मिति: २०२५-०८-३० , समय : ०९:१६:०० , 8 hours अगाडि