जसपा नेपालले सप्तरीको ताेपा बजारमा जलायो भूमि विधेयक

गामघर डेस्क

राजविराज । जनता समाजवादी पार्टी (जसपा) नेपालका नेता, कार्यकर्ताले भूमि विधेयक जलाएका छन् । उक्त विधेयक राष्ट्रियहीत विपरीत रहेको भन्दै आन्दोलनरत जसपा नेपालले शुक्रबार सप्तरीको तिलाठी कोइलाडी गाउँपालिका–८ तोपा बजारमा प्रदर्शनका क्रममा विधेयक जलाएका हुन् । शुक्रबार पनि तोपामा भेला भएका उनीहरुले झाडु बोकेर प्रदर्शन गरे । 

प्रदर्शनपछि आयोजना गरिएको सभामा केन्द्रीय सदस्य बबी यादवले वर्तमान सरकारले आफ्ना नेता, कार्यकर्ता तथा भू–माफियाको पक्षपोषण गर्न विधेयक पारित गर्न लागेको बताइन् ।

पार्टीका जिल्ला सचिव निरज मुक्तिले मधेशका भूमिलाई मरुभूमि बनाउन सरकारले ल्याएको विधेयकमा सहमति नजनाउँदा केन्द्रीय अध्यक्षलाई फसाउन षड्यन्त्र गरिरहेको आरोप लगाए । उनले विधेयक फिर्ता नलिइए सशक्त आन्दोलन गर्ने चेतावनीसमेत दिए ।

जसपा नेपालका जिल्ला अध्यक्ष केदार यादवकाे अध्यक्ष्ातामा आयाेजित कार्यक्रममा जसपा नेपालका बिकास तिवारी , मुरलि सिह , शैलेन्द्र माेहन झा , अमृत साफि , सत्यनारायण मुखिया , महिला नेतृहरु पुनम यादव , रमिला साह लगायतका बक्ताहरुले बिराेध गरेका थिए ।

प्रकाशित मिति: २०२५-०८-३० , समय : ०९:२७:५९ , 8 hours अगाडि