सप्तरीमा क्रिकेट प्रतियोगितामा लाली गुराँस र कञ्छु नरप्रताप रायपुर विजयी

गामघर डेस्क

राजविराज ।
सप्तरी क्रिकेट संघको समन्वय तथा सबल नेपालको आयोजनामा सुरु भएको जिल्ला स्तरीय अन्तरविद्यालय क्रिकेट प्रतियोगिताको पहिलो दिन लाली गुराँस मावि र कञ्छु नरप्रताप मावि रायपुर विजयी भएका छन् ।
बिहीवार स्थानीय पविमावि क्रिकेट मैदानमा भएको पहिलो खेलमा लाली गुराँस माविले नरेन्द्र माविलाई ८ विकेटले पराजित गर्दै जित हात पारेको हो । टस जितेर लाली गुराँसले विपक्षी टोली बोेरियालाई ब्याटिङका लागि आमन्त्रण गरेको थियो । बोेरियाले १३ ओभरमै सबै विकेट गुमाउँदै ८२ रनको योगफल बनाएको थियो। जसमा सन्दीप मण्डलले १३ रन जोडेका थिए ।
बलिङतर्फ लाली गुराँसका चन्दन दासले ४ विकेट लिए भने साहिद आलम र मोहम्मद तवाकरले समान ३÷३ विकेट हात पारेका थिए । जवाफमा लाली गुराँसले ८ ओभर २ बलमै २ विकेट गुमाएर लक्ष्य भेट्टाएको थियो । ओम चौधरीले उत्कृष्ट ४० रनको योगदान दिनु भयो भने कृष्ण यादवले २० रन जोडेकाथिए । बोेरियाका मनिषा यादव र कौशल दासले १–१ विकेट लिएका थिए ।
खेलको प्लेयर अफ द म्याच लाली गुराँसका चन्दन दास घोषित गरिएको सबल नेपालका राहुल सिंहले जानकारी दिनु भयो ।
दोस्रो खेलमा कञ्चुनरप्रताप मावि रायपुरले केए मावि राजविराजलाई १० विकेटले पराजित गर्दै विजयी भयो । टस जितेर पहिलो ब्याटिङ गरेको रायपुरले ९ ओभरमा ३ बलमा सबै विकेट गुमाएर ५९ रन बनाएको थियो । टोलीका कृष्णकुमार यादवले १२ रन जोडेका थिए ।
राजविराजका बलर लक्ष्मण बिकले उत्कृष्ट प्रदर्शन गर्दै ३ ओभरमा ११ रन खर्चेर ४ विकेट लिएका छन । त्यस्तै राम बिक र रूपेश रामले २–२ विकेट तथा रन्जित यादवले १ विकेट हात पारेका थिए ।
६० रनको लक्ष्य पछ्याएको केए मावि राजविराजले ५ ओभरमै कुनै विकेट नगुमाई जित हात पार्यो । शिव अधिकारी ३६ रन र लक्ष्मण बिक १० रनमा अविजित रहँदा जित सम्भव भएको थियो ।खेलको प्लेयर अफ द म्याच रायपुरका लक्ष्मण बिक घोषित भएको छ । उहाँलाई पुरस्कार राजविराज नगरपालिका–५ का वडाध्यक्ष बन्धुलाल दासले प्रदान गर्नु भयो ।

प्रकाशित मिति: २०२५-११-२० , समय : १९:१७:११ , 1 week अगाडि