सप्तरीमा भ्रष्टाचार मुद्दाका फरार प्रतिवादी पक्राउ

गामघर डेस्क

राजविराज ।
भ्रष्टाचार मुद्दाका एकजना फरार प्रतिवादीलाई सप्तरी प्रहरीले पक्राउ गरेको छ । पक्राउ पर्नेमा जिल्लाको रुपनी गाउँपालिका वडा न.१ का रामबाबु यादव रहेका हो ।
जिल्ला प्रहरी कार्यालय सप्तरीबाट खटिएको प्रहरी टोली उहाँलाई घरबाटै नियन्त्रणमा लिएको सप्तरी जिल्ला प्रहरी कार्यालय सप्तरीका सुचना अधिकारी प्रहरी नायव उपरीक्षक डम्बर बहादुर पुरीले सञ्चारकर्मीलाई जानकारी दिनु भयो ।
उहाँका अनुसार झुठा विवरण पेश गरि भ्रष्टाचार गरेको मुद्दामा विशेष अदालत काठमाडौबाट फैसला भइ वारदात पश्चात् यादव फरार रहेको बताउनुभयो । यादवलाई १० हजार रुपैया जरिवाना तथा ६ महिना कैद सजाय तोकिएको छ ।
पक्राउ परेका यादवलाई मंगलबार आवश्यक कारबाहीका लागि सप्तरी जिल्ला अदालत राजविराजमा दाखिला गरिएको प्रहरी नायव उपरीक्षक पुरीले जानकारी दिनुभयो ।

प्रकाशित मिति: २०२५-११-२५ , समय : २२:४५:४२ , 5 days अगाडि