सप्तरीमा विवाहको प्रलोभन दिएर नाबालिकासँग करणी गरेको खुलासा

भूपदेव माली

सप्तरी ।
‘विवाह गर्छु, तिमी झापाको बिर्तामोड आइजा’ भनेर बिर्तामोड बोलाएको नाबालिकासँग रातमा दुईपटक र बिहानको बेला एकपटक गरी तीन पटक करणी गरेको एक नाबालिकाले एक २१ वर्षीय युवकमाथि आरोप लगाएकी छन्।
सप्तरीको हनुमाननगर कंकालिनी नगरपालिका वडा नं १४ रम्पुरा बस्ने बुधन मुखियाकी १५ वर्षीय छोरी अनिता कुमारी मुखिया (नाम परिवर्तन)ले छिमेकमै बस्ने फेकु मुखियाको २१ वर्षीय छोरा परमेश्वर कुमार मुखिया माथि सो आरोप लगाएकी हुन्।
बिहीबार पत्रकारहरूको सामु आफ्नो दुखेसो पोख्दै उनले ‘परमेश्वरसँग मेरो सम्बन्ध लगभग एक वर्षदेखि चल्दै आएको थियो, यसबीच कैयौं पटक हाम्रो शारीरिक सम्बन्ध पनि बन्यो।’उनले भने हामीबीचको प्रेम सम्बन्धको बारेमा छिमेकका धेरैलाई थाहा पनि भइसकेको थियो। गत मंसिर ६ गते शनिबारका दिन ५ बजे मैले भारदह पुगेर झापाको लागि बसमा बसे राति बिर्तामोड पुगेपछि परमेश्वर कुमार मुखियासँग भेट भयो र एउटा भाडामा लिएको कोठामा लगियो राति खानासाना खाएपछि हामी दुईजना एउटै कोठामा सुतियो र शारीरिक सम्बन्ध दुई पटक बनायो। भोलिपल्ट एक पटक शारीरिक सम्बन्ध बनाउँदै क्रममा परमेश्वरको घरबाट बुबाको फोन आयो र फोनमा उसलाई तथानाम तिमी आइज तेरो आमा मर्नेवाला छ, त्यो केटीलाई छाड्दे भनेर फोन आउँदा १२ बजेतिर मलाई लिएर भारदहसम्म पुर्याए र भारदहमा मेरो हातमा रु.५०० दिएर ‘तिमी जन्मदर्ता लिएर, आउ त्यसपछि बिहा गर्छु’ भनेर मलाई मेरो घरतर्फ जाने एक सिटी रिक्सामा बसाएर ऊ पुन झापाको लागि फर्केको बताइन्।
यता नबालीग आफ्नो घर फर्केपछि उसले बाउआमालाई सारा कुराहरु बताइन्। बाउआमाले जिल्ला प्रहरी कार्यालय सप्तरी, राजविराजमा परमेश्वर कुमार मुखियाको विरुद्ध निवेदन दिए। बुधन मुखियाको अनुसार मेरो छोरीलाई फेकु मुखियाले बुहारीको रुपमा अस्वीकार गर्दा मैले जिल्ला प्रहरी कार्यालयमा निवेदन दिएको हुँ। मैले न्याय पाउनुपर्छ बताए।

प्रकाशित मिति: २०२५-११-२८ , समय : १०:५३:४७ , 3 days अगाडि