बेवारिसे अवस्थामा झण्डै ५ सय ५४ किलो गाँजा बरामद

गामघर डेस्क

सुनसरी। कोशी प्रदेशको सुनसरीबाट बेवारिसे अवस्थामा ठूलो परिमाणमा गाँजा बरामद गरेको छ। जिल्लाको दुहबी नगरपालिका अन्तर्गत रहेको प्रहरी चौकी अमडुवाले उक्त परिमाणको गाँजा बरामद गरेको हो ।
प्रहरीका अनुसार पुस ३० गते प्राप्त विशेष सूचनाका आधारमा खटिएको प्रहरी टोलीले बर्जु गाउँपालिका–४ हरबनीस्थित बाँसको झ्याङमा लुकाइराखिएको ५ सय ५४ किलो गाँजा फेला पारेको हो।
बरामद गरिएको गाँजाको ओसारपसारमा संलग्न व्यक्तिहरू फरार रहेकाले उनीहरूको खोजी कार्य जारी रहेको प्रहरीले जनाएको छ। घटनाबारे थप अनुसन्धान भइरहेको छ।

प्रकाशित मिति: २०२६-०१-१५ , समय : १९:३९:५६ , 3 hours अगाडि