मधेस प्रदेश : मुख्यमन्त्री कार्यालयसँगै चारवटा मन्त्रालयको जिम्मा सरोजकुमार यादवलाइ
मिति: २०२३-०४-०४ , समय : २०:५९:४१ , गामघर डेस्क
फाइल फाेटाे
गामघर डेस्क
जनकपुरधाम ।
मधेश प्रदेश सरकारबाट नेकपा एमाले बाहिरिएसँगै खाली भएको चारवटा मन्त्रालय मुख्यमन्त्री सरोजकुमार यादवले आफुसँग राखेका छन् ।
मंगलबार एमालेबाट मन्त्रीबनेकाहरुले सामुहिक राजीनामा दिएपछि खाली भएको भौतिक पूर्वाधार विकास मन्त्रालय, कानून, न्याय तथा प्रदेशसभा मामिला मन्त्रालय, गृह तथा सञ्चार मन्त्रालय र महिला, बालबालिका, युवा तथा खेलकुद मन्त्रालयको जिम्मा मुख्यमन्त्री यादवले पाएका छन् ।
प्रदेश प्रमुख हरिशंकर मिश्रले नेपालको संविधानको धारा १६९ को उपधारा (२) को खण्ड (क) बमोजिम मन्त्री तथा राज्यमन्त्रीले राजीनामा दिएकाले खाली भएको मन्त्रालयहरुको कार्यभार सम्हाल्नका लागि तोकेका हुन् ।
यता मुख्यमन्त्री यादवले उपनिर्वाचन पश्चात मन्त्रीमण्डल विस्तार गर्ने बताउनुभयाे ।
प्रकाशित मिति: २०२३-०४-०४ , समय : २०:५९:४१ , 2 years अगाडि
