कोशी प्रदेश : तीन ठाउँमा एकै दिन ३ जनाकाे शव फेला

गामघर डेस्क

विराटनगर । कोशी प्रदेशको झापाका तीन वटा ठाउँमा एकै दिन तीन जना मृत फेला परेका छन् । जिल्ला प्रहरी कार्यालयका प्रवक्ता खगेन्द्रबहादुर खड्काका अनुसार आज बिहान अर्जुनधारा नगरपालिका–४ मदनपुर जलाधर सडक, बिर्तामोड नगरपालिका–२ फूलबारी टोल र अर्जुनधारा–११ नयाँबस्तीमा शव भेटिएका हुन् ।

अर्जुनधारा–४ मा भेटिएको शवको परिचय नखुलेको, बिर्तामोड–२ फूलबारी टोलका ३६ वर्षीय राम टुडू र अर्जुनधारा–११ नयाँबस्तीमा ६० वर्षीय मित्रलाल कामी मृत अवस्थामा फेला परेका प्रहरीले जनाएको छ । तीन वटै शव परीक्षणका लागि प्रादेशिक अस्पताल भद्रपुर पठाइएको छ । रासस

प्रकाशित मिति: २०२५-०६-११ , समय : १३:४६:५७ , 7 days अगाडि