मधेश प्रदेशका ५ जना सांसदलाई पदमुक्त गर्ने निर्णय कार्यान्वयन नगर्न अन्तरिम आदेश

गामघर डेस्क

काठमाण्डाै । सर्वोच्च अदालतले मधेश प्रदेशका पाँच जना सांसदलाई पदमुक्त गर्ने निर्णय तत्काल कार्यान्वयन नगर्न अल्पकालीन अन्तरिम आदेश जारी गरेको छ ।

न्यायाधीश नित्यानन्द पाण्डेयको इजलासले आज पाँच जना सांसदलाई पदमुक्त गर्ने निर्णय तत्काललाई कार्यान्वयन नगर्न अल्पकालीन अन्तरिम आदेश जारी गरेको हो ।

मधेश प्रदेशका सभामुख रामचन्द्र मण्डलले लगातार १० दिन बैठकमा उपस्थित नभएको भन्दै पाँच जना सांसदलाई पदमुक्त गर्नुभएको थियो । पदमुक्त भएका सांसदहरूले दायर गरेको रिटमाथि सुनुवाइ गर्दै सर्वोच्च ले अल्पकालीन अन्तरिम आदेश जारी गरेको हो ।

प्रकाशित मिति: २०२५-११-१८ , समय : ०७:५८:१४ , 2 weeks अगाडि